مــبـــقــــاش لـــيــــــــه لازمـــــــة

يااااه وحشتني اوي يا مدونتي ووحشني كل ركن فيكي والمدونين ووجودهم وتعليقاتهم الجميلة ...بس اعمل ايه نفسي اكتب جوايا حاجات كتير محيراني وقلقاني ومعذباني ...بس بجد حاسة ان الكلام محبوس .بيهرب مني مش عايز يطلع ....وجوايا صوت عمال يصرخ ويقول مبقاش الكلام ليه لازمة ...اعذريني يامدونتي لو ملقتنيش ..وبعدت عنك ..لفترة يمكن تطول او تقصر

تــسـقــط عـطـيــة فــي طــاسـة الــتـقــلــيـة

كل سنة وانتوا طيبين ..اولا بعتذر علي البوست اللي فات لان حسيت اني سببتلكم كأبة منه ..واحنا كنا داخلين علي عيد وفرحة فسامحوني
نيجي بئي لبوست النهارده ..اكيد مستغربين..واول حاجة هتيجي في مخكم علشان تسألوها ..مين هي عطية وليه تسقط في طاسة التقلية .
..استني بس . انا شيفاك ياللي رافع حواجبك وفاتح بؤك...اصبر وهتفهم انا قصدي ايه ..
في البدايه ..عطية دي هي مثل لشخصية من الشخصيات اللي ممكن نقابلها في مجتمعنا ..اللي ممكن نقول ان شعارها دائما وابدا
وقف المراكب السايرة .بدون اي مبررر ..ولو فيه هيكون مبرر ملوش اي قيمة .
كام منا مقبلش الشخصية دي في حياته ..اكيد كتيرررررررررر ..روح اي مصلحة حكومية ..علشان تخلص ورقك هتلاقي عطية قاعدة مستنياك ..بوجهها اللي الغصب والحزن معشش جواه ..وتيجي علي اخر خطوة علشان تخلص ورقك ..هتلاقيها تصرخ بصوتها الجهوري في وشك ..اسفة يا استاذ الورق ناقص امضة او الختم مش واضح .او مش عارفة اي مش كامل ولازم تعيده من اول وجديد ...فحضرتك توقف مصدوم وتحاول تجبها شمال يمين ..علشان اللي بتقوله غير منطقي ..كانك بتنفخ في اربة مقطوعة ..وممكن كمان تهجم عليك بلسانها السليط وتقولك انت هتفهمنا شغلنا يا استاذ ...وياسلام لو استفسرت عن حاجة ليلتك مش فايته هههههههههههههه ..وتعقد حواجبها وتقولك ..انا مش فضيالك ...
..فانت ساعتها هترفع راية الاستسلام ..وتبدأ دوامة الورق من جديد ..هي همها ايه ..المهم الختم يكون واضح ومش متاكل من النسر منقاره هههههههههه ..وغيره وغيره من المواقف اللي ممكن تقابلها في اتمام اجراءات ليك مع هذه الشخصية ..اللي اصبحت وباء في مجتمعنا ..انا عن نفسي قبلتها كتيررر وانا بكمل المشروع ..باختلاف اشكالها البشرية ..ولكن الجوهر واحد ..اللي يقولي ...لازم امضة العميدة نعمل الامضة يقولك لازم امضة الوكيلة نمضيها لاااااااا ..ده الورق اصل مش مكتوب صح في الصياغة عدوه تاني لااااااااااااا ده احنا اصلا منعرفش حاجة عن المشروع ده ..الله امال مين اللي مضي هههههههههههه.لاااااااا اصل السنة المالية خلصت فلازم الورق يتعاد من الاول وجديد ...ماشي نعيده
.وواحد تاني يدخل وهو مش فاهم اي حاجة في اي حاجة وعايز يفهم ..ويوقف المراكب السايرة وخلاص
علشان حضرته يفهم مع انه دخوله في الموضوع ولا هياثر بشيء .ملهوش لازمة اصلا ... اقول ايه ولا ايه يا ربي
تصورا بقالي اربع سنين اعيد في الاجراءات علشان الشخصيات الغريبة دي ههههههههههههههههههههههه

فعلشان كده لازم نعمل احتجاج ومظاهرة بسقوط هؤلاء الشخصيات في مجتمعنا في طاسة التقلية ونخلص منهم تمام لانهم بيشكلوا بؤرة كبيرة بتعمل علي اعاقة حركة التطور والنمو في مجتمعاتنا وبتقتل احلام ممكن لو اتحققت تفيد المجتمع باثره ...
وانا من مكاني هذا من طرئعة دماغ اعلن عن الثورة ضد عطية واني مش هستسلم لمثل هذه الشخصيات
وهعمل انقلاب عليها بس علي يوم الاحد ان شاء الله يا انا يا انتي يا عطيه هههههههههههههههه
وهحقق حلمي رغم انفك

بــتــســأل قــلــبــي لــحــد امــتــي ؟؟؟!!!1

في قلبي ليك كلام .....

مش قادر لساني ينطقه
عايزمنك الامان .....

وساعتها هتقدر تسمعه
لما يعرف علي فين رايح .

.وعلي فين موديه هواك
هيقولك .....

كل اللي دفنه ليك معاه ..

ونفسه يطلعه
وفي النور يشيعوا....

ومن الظلمة يمنعه ...
.عيوني ملاينه ملام لقلبك .

لما تسأله لحد امتي ؟
لان الجواب بايدك انت .....

مش بايد حد تاني

@ كـــل عــيــد وانــتــوا طــيــبــيــن @

قـلبـــي بــيـكـلــمني عنك بالهــيـروغلــفي هههههههههههه

ازيكممممممممم يا كل مدونين مصر والعالم كله ..وانا قاعده كده لقيت مرة واحدة قلبي بيكلمني ..وده عادي جداااااا ..بس المرادي لقيته بيكلمني هيروغليفي ..علي اعز الناس ليااا فقولت انقل كلام قلبي ليه ..بس بدون ترجمة

ههههههههههههه

..
DD.I N.K
I MR .K R NHH "

I MRY .I

I IB .I

K RC M PT.I
I M HTP hnc.K

جد اي ان اك "اي مر اك ار نحح .....اي مري اي... اي ايب اي... اك رع ام بت اي.... اي ام حتب حنع اك "

طبعا في كلام كتيرر بس لما يبقي يفك دول الاول ههههههههههههههههه

كان فاضل بس يادوب

كان فاضل بس يادوب

اني البس ثوب الدنيا واتوب عنك

لكن قلبي المغلوب بيخاف ليتوه

في ليالي الشوق بعدك

وما بين كده او كده مش مرتاح انا

خلينا بقى كده يمكن الهنا

متداري بصبري عليك

مش عايز بكرى يفوت

وانا لسه بموت والليل عمال يجرح

والوحده تزيد النار وتزيدني مرار

والحزن يبات يصبح

كــلمــات بــتــعـبر عــن الـلي جــوايـا

مـتــشـكـرة مــش عــايــزة انــجــرح

@@@@@@@@@@@@

مش عايزة اتوه ..جوه متاهة مليانة خوف وحيرة ...
..والاقي نفسي ..في النهاية ...محبوسة ..مجروحة ...اسيرة...
.جوه ..اسوار.... حكاية ...متشكلة بطعم النهاية
من حقي اقول ...متشكرة ..مش عايزة .اتوه ..مش عايزة .انجرح ...

@@@@@@@@@@

اراك فــي حــلــمــي كـــل لـــيــلــة

قلبي يشعر بك بهمساتك ..بانفاسك .

فانت معي ..تسكن داخلي ..

تغزو احلامي .كل ليلة ...

اشعر وكأنك تجلس بجواري ..برغم ..بعد المسافات .بيننا .



فروحي تسرقني ..اليك ..وتستقر امامك وتحكي معك ..دون ان تراها


ولكني اعلم انك ..تشعر بوجودها ..




. اراك ..تبتسم ... لها وينبع في عينك بحر من الحنان ترويه بها


وصوت نبضات قلبك ..اسمعه ..يتعالي حين ذاك ....


وسرعان ما تهمس

لها بصوتك ..الذي يسرق العقول من شده هدوئه

بكلمات من جمالها كسرت حدود الوصف


فتفر منك هاربة ...من شده خجلها ..


.تم تختفي وراء الستار وتتراقص وتتمايل في فرحة


وحدها من حبك لها ....وتعاود لك لتسمعك ..



وها هي في النهاية تنسحب وترحل عنك لتستقر مرة اخري داخلي .. ثم تقص عليا ..ماحدث .

وهكذا كل ليلة ..
فانت معي دائما ...

وديني يا اوسطي علي اسماعلية بس اوعي توهني ههههه

بكرة الجمعة ان شاء الله راحة رحلة لاسماعليةةةةةةة ..المحافظة دي

كنت روحتها مرتين كمصيف بس وانا صغيرة اوي .

المهم اخيرا هشوف البحر ..اصلوا وحشنييييييي اوي .

لما ارجع بئي هحكيلكم عن الرحلة ..

.وادعولي يكون اليوم بكرة حلوووووووووووو ..

تـــاج الــســعــاده وربنا يستر ..ههههههههههههههه

النهارده جاية علشان اجاوب علي تاج محمد ..بس قبل ما جاوب احب اشكر محمد علي مدونته اللي عجبتني اوي وعلي اختياره لمدونتي حاجة بجد ما كنتش متوقعاها ..لان لسه جديده في التدوين ..بس بجد ده شرف ليا والله وحاجة فرحتني اوي اني اكون من بين المدونات الرائعة دي اللي انت اخترتها ..وبعتذر علي تأخيري في الرد علي التاج
نيجي بئي للاجابة علي الاسئلة وربنا يستر ..ههههههههههههههه



السؤال الأول:ماهى السعادة من وجهة نظرك؟
السعادة هي الشعور بالرضا والطمأنينة ..

السؤال الثانى: كيف تصل إلى السعادة؟
والله انا لما احب اوصل للسعادة بجد ..بناء علي تعرفها اللي عرفته من وجهة نظري ..هو اني اعمل اعمال تقربني من ربنا ..علشان احس بالرضي لان السعادة دي بحس كأنها مكافئة من ربنا للعبد اللي بيتقرب منه بيخليه مرتاح البال من جواه يشكل فظيع وقلبه مليان بالسكينة ..

السؤال الثالث: هل السعادة وهم أم أنها حلم صعب؟
ايه السؤال الصعب ده ههههههه
هحاول اجاوبه ..يص السعادة مش وهم ..هي ممكن تكون حلم صعب ..في زمنا ده ...بس اللي هيجاهد ويحاول يكون دايما مع ربنا عمرها ما هتكون حلم صعب

السؤال الرابع: هل السعادة طريق للنجاح ؟وضح؟
اه طبعا ..لان السعاده بتخلي الانسان متفائل وعنده امل .بيقبل علي الحياة ..وبالتالي يجاهد ويحاول في اي عمل بيعمله مهما كانت المطبات والعواقب اللي ممكن يقابلها .. فبتكون السعاده دافع لنجاحه

السؤال الخامس: ماهى أكثر اللحظات التى شعرت فيها بالسعادة؟

اكتر اللحظات .. الحمد الله في لحظات كتير مرت عليا سعيدة بس ..هقول علي اقرب حاجة ...رد فعل حصل من شخصية غاليه عليا اوي ..بجد ساعتها حسيت اني في قمة سعادتي وبكيت وسجدت لربنا وشكرته فكنت سعيده لاني فقدت الامل في وجود رد الفعل ده والحمد الله في الاخر لقيته ..ومن ناحية تانية حسيت ان ربنا كريم اوي ..

السؤال السادس:هل ممكن أن تحقق كل شىء؟
لا ء

السؤال السابع: السعادة تجعلك تقبل على الحياة أم لا؟
طبعا انا لما بكون سعيدة ..بحب الحياة وكل حاجة فيها
وبيكون عندي طاقة كبيرة ممكن تخليني اعمل حاجات كتيرة اوي ..

السؤال الثامن: هل أحسست يوما انك وصلت لقمة السعادة؟

اه..الحمد الله ..ده من وجهة نظري



السؤال التاسع: لماذا تمر أوقات السعادة بسرعة؟

من اللي بنقابله في حياتنا ...

السؤال العاشر: هل ترى السعادة فى التدين؟

اه جدااااااا

ا السؤال الحادى عشر: هل أنت متفاؤل وعندك أمل؟ وضح؟
الحمد الله ..انا من الشخصيات المتفائلة ساعات بصورة خيالية كمان ..اه ساعات ممكن امر بفترة من اليأس والفشل بس بسرعة بتخطاها ..واقف تاني وارجع زي الاول واحسن
يعني مثلا انا بعمل مشروع المشروع ده بقاله 4 سنين او اكتر ..اتعرضت في اجراءاته لمطبات من اليأس ..والفشل بس بقوم تاني وقول في امل وعندي تفائل كبير ان شاء الله بانه هيكون ليه قيمة ووجود كبير في المجتمع ..والحمد الله وصلت لمرحلة فيه مكنش ممكن حد يتوقع ان ممكن اوصل ليها مع كل اللي قابلته في المشروع ده ..

السؤال الثانى عشر: إذا شعرت بالحزن ماذا تفعل؟
ممكن اعمل كذا حاجة
اولها بجري لربنا علي طول بصلي واقرأكلامه واكلمه..بجد بحس براحة بعدها اوي ..ممكن بعدها اخرج مع صحبتي واروح عند النيل واقف قدامه ...ممكن اقعد ارسم ..وحاجات كتيررر

السؤال الثالث عشر: هل يستمر معك الحزن فترة ام ينقضى فى الحال؟

والله حسب الموقف اللي خلاني حزينة ... الحزن ده بجد حاجة بتقتلني ..بجد متمناش اني اعيش فيه فترة كبيرة

السؤال الرابع عشر: ما رأيك فى الأفراد المتشائمين؟

انا عن نفسي مش بحبهم ....ومش بحب اتعامل معاهم .لان دايما شايفين الدنيا سوده مفيش حتي بصيص من النور . بس عايزة اقولهم شوفوا النبي (ص) قال ايه تفاءلوا بالخير تجدوه...وكمان في مقال عجبني اوي في جريده الرياض اليومية
اسموا المتشائمون في الارض ..وده اللينك بتاعه
http://www.alriyadh.com/2005/12/14/article115338_s.html?w=1
فيه الملخص المفيد عن هذه الفئة في المجتمع

خلصت الاسئلة ..ايه الاسئلة الصعبة دي يا محمد ههههههههههه
المهم ..اتمني اني اكون فهمت اسئلتك صح وجاوبت عليها بشكل صحيح ..
وتحياتي ليك يا محمد ولمدونتك

تـــهــنـئـة خــاصــة مــطرئـعـة مـن غــيـر بــمـب وفــرئـعــة

انا جايه النهارده بجد فرحانة جدااااااا ..لان سمعت خبر حلو ماشاء الله لشخص يهمني اويييي وغاليييييييييييي عليا اويييي

والخبر بيقول انه اتكرم في شغله ماشاء الله ..

فانا عايزة اقوله ..كلام ومش اي كلام ده كلام من قلبي هههههههه

مبروووووووووووووووووك الف مليون مبروك

انت فعلا تستحق ..ومتستغربش ولا تتحير لان لكل مجتهد نصيب واللي ربنا بيحبه مبيبخلش عليه بحاجة ..
وعايزة اقول كمان اني بتمنالك بجد الخير والسعاده دايما ويارب في تقدم ..وان شاء الله ربنا يكرمك ويوفقك وتحقق كل اللي بتتمناه .ويسعدك يارب ..وتيجي وتقولي انك بقيت Mr

قولوا امــيــــــــــــــــــــــــــــــــن

امـــســك حـــرامـــي

جاية بجد مصدومة من اللي حصلي ...امبارح كنت في الصيدلية بشتري منها حاجات مع صحبتي ..وكان في ايدي شنطة فيها البلوزة جديدة لسه والله مالبستها المهم حطيت الشنطة علي الفترينة عقبال ما اشتري حاجاتي ..فالشنطة من غير ما اخد بالي اتزحلقت من علي ازاز الفترينة ووقعت علي الارض .. تمام كده .؟؟

تمام نكمل المهم ..بعد ما اشتريت اخدت حاجاتي وورقي وملفاتي ومشيت ...ونسيت خالص .البلوزة..وبعد ما مشيت وبعدت عن الصيدليه مسافة كبيرة
وجاية اشتري اشرب علي .البلوزة .ادور عليها في ايدي فص ملح وداب فصحبتي قالتلي اكيد نسيتيها في الصيدليه ...روحت سيبتها واخدت بعضي وجريت علي الصيدليه ..وكانت المفأجاة ..لما سألت علي البلوزة...لقيتهم بيقولولي ..ان كان في وحدة ست كانت بتشتري دوا اطفال و لما شافوا البلوزة واقعه قالولها في واقع منك بلوزة في الارض تتوقعوا تعمل ايه الست دي ؟؟؟؟!!!!!!!!!!
من الطبيعي ومن المنطقي ومع وجود الضمير ..تقول ان البلوزة ده مش بتاعها ..لكن العكس هو اللي حصل
بمنتهي البرود ..اخدت البلوزة من علي الارض وحطتها في شنطتها ومشيت ..!!!!!
انا بقي جالي صدمة ..وقعدت اعيط وادعي ربنا واتحسبن عليها ..وصحبتي كلمتني علي الموبايل وطبعا عرفت باللي حصل فجت بسرعة واعقدت تهديني فدخلنا لصاحب الصيدلية علشان نعرف اوصفها ..فقلنا علي اوصفها ..فخرجت زي المجنونة علشان ادور عليها ...فكان موقف يضحك .ويبكي في نفس الوقت لاننا كنا في مكان زحمة كتل من البشر ماشية ....فكل واحدة تنطبق عليها المواصفات اوقفها واسألها ..لدرجة ان واحدة جريت وراها وركبت الاتوبيس معاها علشان اسألها هي ولا مش هي وطلعت في الاخر مش هي ههههههههههههه كان حتة موقف لا احسد عليه وهي بتبص ليا كده وانا بسألها هو حضرتك اللي كنتي في الصيدليه من شوية ههههههههههه ..المهم صحبتي قالتلي فوضي امرك لله ..وربنا يتصرف فيها ..قولت الحمد الله ..بس كنت بجد مصدومة ..وفي حالة هستريا ....اول مرة يحصل معايا موقف زي ده ..المهم فجأة ..لقيت واحدة ست ظهرت قدامي كده وبينطبق
عليها نفس المواصفات ..سبحان الله ..سبت صحبتي وجريت عليها وسألتها هو حضرتك اللي كنتي بتشتري دوا اطفال من شوية من الصيدلية ..لقتها ..مدت ايديها في الشنطة ..وبمنتهي البرود تطلع البلوزة من الشنطة وهي بتقولي اه ..انا كنت هرجعها دلوقتي للصيدليه تاني ..بصتلها بذهوووووول ...واخدت البلوزة منها ومكنتش قادرة اتحرك من الصدمة ..طيب ايه اللي خلاكي تخديها اصلا ....حتي كان الميكروباص هيخبطها فلقيت نفسي بقولها حاسبي ...فبعدت عن الميكروباص ومشيت ..وانا واقفه مكاني صحبتي جاتلي وطبعا قعدت تهديني بعد ما عرفت ايه اللي حصل ...واخدتني وروحنا ..لما روحت قعدت مع نفسي .كده ..ووفقت كتير قدام الموقف ده ودماغي طرئعة منه ..ولاقيتها بتقولي ..هو ايه اللي بيحصل في الدنيا ده ...للدرجادي بقي الضمير معدوم ..طيب قبلت ازاي الست دي علي انها تدخل علي ولادها حاجة حرام ....؟؟؟؟؟؟؟؟؟ ...هي مش خايفة من ربنا ..؟؟؟
ده الواحد بيلاقي علي الارض وهو ماشي حاجات كتير واقعة من ناس زي فلوس وغيره ..بسيبها زي ماهي ..لان ممكن اصحابها يرجعوا تاني لنفس المكان ويلاقوا حاجاتهم ..اللي وقعت منهم ....ده من ناحية
من ناحية تانيه ..فكرت في موقفي ..هل كان سلبي ولا ايجابي ؟...كان المفروض اعرفها نفسها وافرج عليها الشارع علشان متعملش كده تاني مع اي حد ؟؟ ولا اللي انا عملته صح اني سيبتها ..ومرضتش افضح امرها وسترت عليها واكتفيت اني دعيت ربنا انه يتصرف فيها ؟؟؟..
ومن ناحية ثالثة ..حسيت من الموقف ده ان اد ايه ربنا بيحبني ...انه جبهالي لحد عندي من وسط الزحمة المهولة اللي كنت فيها ... ومعترضتش ورجعت ليا .البلوزة .في حين ان ممكن كانت انكرت ..بس سبحان الله بجد ربنا كريم اوي ..ومبيرضاش بالظلم ...ورجعلي حقي ..الحمد الله
صــدعــت دمـــاغــكــم وطــرئــعــتــها مــعــايــا بــس فــي الاخــر مــســكــنا الــحــرامـــي ههههههههههههههههه

دبــــرنـــي يــا قــمـر ...

دبــــرنـــي يــا قــمـر يــا الــلـي فـــي الــــســمــا

اعمل ايــــــــــــه ..؟؟؟؟؟

.وفـــي ايـــــدي ايـــه.؟؟؟؟؟

وانـــا اعـــمــلــه

يـــــا الـلـه

الــنـهـاردة عــيـد الــحـب ...

عرفت بالصدفة انه النهارده عيد الحب مش عارفة اقول في العيد ده ايه للناس اللي حبتها بجد طبعا ماما وبابا واختي تؤامي ..واصحابي ..والناس اللي بعتبرها زي اخواتي ...اممممممم ..هدعي ..وقول
ان .ربنا يارب يقوي حبنا وميفرقناش عن بعض ..ابدا .ويجمعنا جميعا في الجنة ..
.ويحببنا في الاسلام وحب ربنا والرسول يزيد في قلوبنا ..
وفي شخص غالي عليا اوي مش لاقيه ليه كلام
...مش عارفة بجد اقوله ايه ..كان نفسي اقوله حاجات كتير لكن معدش ينفع .

المهم ..كل عيد حب وانتوا بخيروقريبين ..مش متفرقين وفي احسن حال يارب ..

مـــش عـــارفـــة انـــام مـــن امـــبــارح ..

مش عارفة انام من امبارح ..

انا قلقانه من امبارح وعنيا مفنجله .اد كده ...مش عارفة اغمضها .
.ودماغي عملاه تودي وتجيب ووصلت لدرجة عاليه من الطرئعة ...والحيرة عماله تتوغل وتنتشر فيها ولساني مبقاش يتكلم واديه عمالة تكتب
وسؤال عمال يزعق في وداني ويلخبطني ..ويكركبلي كل افكاري ..وبيخنقني ...وهو .يعني ايه غصبن عني ؟ يعني ايه .اعمل ايه ؟؟؟؟
رديت عليه وقولتله ...تعمل ايه ؟؟
كتير مننا بيقول السؤال ده في حياته كتير لو قابلته مشكلة عويصة مثلا بيبئي عاجز ومشلول مش عارف يعمل ايه ...لكن بنوقف هنا شوية
ونشغل العقل ونديله شوية بنزين ..هنلاقيه بيقولنا ...في حاجة اسمها انك تكون مسير او مخير ..
يعني اللي فهماه ..ان لو قابلتك مشكلة في الحياه ..مهما كانت ..فليك انت القرار ..تختار هتستسلم ليها ..ولا تعلن الانتصار عليها ..او لو قابلك ..انسان كويس في حياتك فده قدر من عند ربنا ..فيجي دورك بئي اما انك تختاره وتحافظ عليه ..او انك تضيعه من بين ايديك ...وتقول ده غصبن عني
مش عارفة انا بخرف في الكلام ولا ايه ..اعذروني بجد ..لان مفيش حاجة اسمها اعمل ايه غصبن عني ..لان كل انسان ليه رايه وقراره في النهاية ...جايز تكون في ضغوط وظروف حوالين اي انسان ...باختلاف انواعها ...بس في النهاية دي هتكون حياته اللي هيعشها علي طول ...ومصيره اللي هيكون ...فعلشان ايه نستسلم ونقف عاجزين مش عارفين نعمل ايه ...ونخسر نفسنا .. ونهرب ..طيب منعترض ..من غير منجرح حد ..من غير من نتعب حد ..ده لو احنا عايزين ...اللي اعرفه ان لكل مشكلة حل ...جوايا كتير ..بس مش عارفة بقي ليه لازمة ولا مبقاش ...بجد نفسي اعمل حاجة علشان كل حاجة ترجع زي الاول بس مش عارفة ايه هي ....او بمعني مبقاش الحل في ايدي ...انا فاهمة اوي ومقدرة الظروف ايه .وحاسه اوي بشعور الانسان لما يواجه مشكلة عويصة مثلا وعايز يرضي في النهاية جميع الاطراف ..بس ان كنا بندور علي الحجج علشان المشكلة تتحل ولقناها خلصت فده مش صحيح ...في حجة وكبيرة كمان ..وصلت ليها وقولتها ...مع ان الكلام والاحساس كان بينطق بيها ..قبل ما ينطقها اللسان.بس اتحكم عليها .بالموت.مش عارفة ليه ؟؟؟؟؟؟؟؟؟؟؟؟؟؟!!!!! بس للاسف لو كان في نيه لحلها ..كانت بانت قوام الحجة دي وخلصت المشكلة من زمان ..

المشكلة اني اتحطيت في نفس المشكلة بالضبط ...وكان رد فعلي ..اني اعترض وبقوة لان ده حقي ..من غير ما اجي علي حد ولا اظلم حد ..وده اللي كان عامل كبير في حيرتي وقلقلي فمكنتش عايزة اقوله ولا احكيه ..
فاتصدمت لما لقيت ..اني .انا اللي بضحي لوحدي وقصاد ده ولا حاجة ...مجرد استسلام للواقع .... .مفيش غير الاستسلام والهروب لحل اسهل ..مع اني عارفة انك اقوي من كده ..وتقدر انك تلاقي حل وتقنعهم بيه ..واكبر من انك تخسر نفسك

طب ليه .. ليه كل ده ؟؟؟؟مش فاهمة ..؟؟؟؟؟!!!!!!!الو افهم بس في ايه .. ..

وفي النهاية احنا حرين ..مش مجبرين ....والامر لله من قبل ومن بعد

سامحوني ان كنت خرفت كتير في الكلام ...بس جايز يكون جناني في شيء من العقل .. وكمان كان نفسي اخرج حاجة من اللي جوايا ..فملقتش غير مدونتي . اشكيلها واحكيلها ..

حــاســــة بـــيـــك

لو بعيد شيفاك العين وان قلت اه اه بقول اهين ..

ولو فرحان او كنت حزين هتلاقيني حاسة بيك

حــــلم ...وانــهــار

في يوم حلمت حلم جميل
...خلاني وانا نايمة اطير
كان بدايته ...فارس اصيل
راكب علي خيله ...امير
جي من دنيا تانية ..غير دنيا البشر
القمر كان موطنه ...وبيراسراره ودنيته
يحكيله ويشكيله وجعته ...والقمرفي سكونه يسمعله ويرضيه بحكمته
والنيل كان ملجأه ..يحضنه بامواجه ويندهه من جوه اعماقه ويكلمه
الدنيا دايما كانت معنداه ...واقفة في طريقه مش سنداه
يشكي منها ..ويقاسي ولا حد بيسمعه
تكلمه ..تتوه في عالم كبير ..ملهوش حدود ولا سور ..
عالم ..مليان باساطير زمان ...يسفرك لاي مكان ..حتي الهند ..بلاد الافيال
والصدفه حطتني في طريقه ....خلتني اكون له ارضه وسماه ..
ولقيت اديه ..اتمدتلي ....خطفتني وشالتني ..وعلي ظهر الخيل ركبتني
وفي لمح البصر ركب معايا ..وشد اللجام ....وطار الحصان بينا لمدينه
لقينا فيها ..كل اللي بنتمناه ...الحب والامان كانوا حراسها و الصراحة والسلام كانوا سكنها
عيشنا فيها ..روحنا واحدة ...احساسنا واحد ...مشاعرنا بتعلن عن حب بيتحدي العالم ...
وفي يوم ..رفعت راسي للسما لقيت القمر حزين سالته ايه زعلك ....بصلي ..وقالي وملامحه ..فيها الاسي ..
للاسف ..لازم تصحي من حلمك .بقي.صرخت ودموعي سالت من عيوني ..وسألته..لــــــيه ؟؟؟؟؟
بصلي القمر وفي عينه كلام غريب مش قادرة افهمه ....طلبت منه يفسره ...سبني في حريتي .وقام مشي ..

سألته فين اميري ..رجع لسكونه ...اترجيته .. فبصوت حزين مخنوق..ندهلي وقالي ...

كان نفسه تبئي القمر ..لكن القدر ..قال كلمته
كان نفسه تبئي دونيتيه.لكن مبقتيش من نصيبه ولا قسمته

وقفت مكاني ..اتهد كياني ...من صدمتي ...صرخت وندهت القمر وقولتله هي دي النهايه !!!!!!..
رد القمر وقالي ودموعه جوه عنيه مبقاش في ايده حاجة ..
كلامه هدني ..هزيت راسي ....اعترضت ..صرخت بعلو صوتي يمكن يسمعني حد
لو حبي كان غالي عليه بجد ...كان حطه جوه قالبه وعنيه مسبهوش يضيع من بين ايديه
لو كان عايزني اعيش ليه العمر كله ...كان حارب علشاني الكون كله...ومهدنيش قدام عنيه
وارجع واقول..انا مصدقاه.وحاسه بهواه..لكن عايزني ازاي اكون معاه وانا مش هعيش وياه
وتوهت في دنيا مليانة متاهات فيها الاسئلة من غير اجابات ..
ورجعت للقمر ..وقولته عايزاك توصله سلامي ودمعتي ..
وحروف اسمه اللي حفرتها ..في دنيتي
ومعاهم ..حمامه سلام ..شيلاله الامان ..وبتتمناله الخير والسعاده وراحة البال
وبعد ما خلصت الكلام . ..حضنت نفسي ومشيت بعيد ...وفي الطريق ...
لقيت نفسي بتهمسني وتقولي
كان نفسي الحلم يطووووول ..لكن مش معقول ليه اعيش في سعاده علي طول
كان نفسي اكون وياه واكمل حياتي معاه ..لكن قال القرار ..وكان الاختيار ...
وفجأة لقيت روحي سرقتني ومن الحلم خرجتني ..بصوت اذان ..
رفعت راسي من علي المخده ..ودموعي سايلة مش بتهدي...
قومت من النوم اتوضيت ولربنا صليت ودعيت ....بان دي متكنش النهاية ....

انا مــصــدقــاك

ايوة انا مصدقاك ..لكن محتاره انا في هواك
محتاجة اكون معاك..لكن خايفة انا من جفاك

اوعـــدنــي

اوعدني ..
اوعدني لو اديتك قلبي باحساسه......متجرحوش
اوعدني لو رسمتك مجداف لمركبي ...متسبهوش

اوعدني لو رويتك من شهد حبي..... متقتلهوش
اوعدني لو بقيت مرسي الامان .....متهجرهوش
اوعدني
اوعدني لو حفرت اسمك جو قلبي .... متحرقهوش
اوعدني لو حطيتك تاج فوق راسي ....متكسرهوش
اوعدني لو حضنت كلامك بين عيوني ...متنسهوش
اوعدني لو امنتك علي احساس كياني...متهدمهوش
اوعدني
اوعدني لو بقيت طير في سماك ......متدبحوش
اوعدني لو هكون حبيب عمرك .....متظلمهوش
اوعدني لو بقيت طوق نجاتك....متغرقهوش .
اوعدني لو هكون حلم حياتك .....متزيفهوش
اوعدني .
اوعدني لو هكونلك بستان جناين ...متجرفهوش
اوعدني لو وعدتني بوعد .......متخلفهوش
اوعدني..

هــتــوحــشــنــي..

هتوحشني
هتوحشني ..يا ملاكي ..يا ساكن كل كلامي
هتوحشني ..ياضيء القمر ...يامنور احلامي
هتوحشني ..يا اطيب قلب ..قابلته في حياتي
هتوحشني ..يا نبع صافي ..روي بحنيته فؤادي
هتوحشني ..يا حضن دافي .. بالامان ملا كياني
هتوحشني ..ياضحكة بريئة . ..محت كل الامي
......................................................

هتوحشني ..يا نسمة هوا ...رفعتني لفوق لفوق وحضنتني
هتوحشني ..يا موجة بحر هادية ...ملكتني في هواها وغرقتني
هتوحشني ..يا طير في السما ...مسافر...رقة قلبه اثرتني خطفتني
هتوحشني ..يا شاعري .. بحروفك رسمت اغلي شيء في دنيتي.
هتوحشني ..يا نبض القلب .... حياني من تاني وزود فرحتي
هتوحشني ..يا حب غالي عليا ...غير حياتي ومسح دمعتي
هتوحشني ..يا نجمة عالية ....ضيها نور ايامي ورجعلي ضحكتي
هتوحشني ..يا اغلي الناس .. ..يا عالم من الاحساس ... هتوحشني ...
هتوحشني ..

حــبــيــب عــمــري

افردى ضيك فى عينى دوبى عتمه سنينى
امسحى عنى الالام
*****
خضري قلب الجناين نورى قلب المداين
رفرفى بجناح يمام
****
عايز اشوفك لما بغرق وسط بحر الكون جزيرتى
مهما اغرب او اشرق ملتقيش غير حضنك انتى
تفتحى قلبك تضمى تمسحى بالود همى
يجري بالدمع الكلام
****
حبيب عمرى خليك معايا حققى املى و منايا
كونى طيرى فى سمايا او حمامه رمز السلام
****
اروينى من شهد حبك اعيش عمرى فى قربك
دى اللحظه اللى اعيشها جنبك عندى بكل الايام
****
يا حبيب قلبى و حياتى امسحى دمعه اهاتى
دا فكلامى او سكاتى بحلف ... بعدك حراام
****
ارجعى لجنه حبيبك انا قدرك و نصيبك
شمسي غابت من مغيبك ارجعى كفايه ملام....،

اغــــلــي هـــديــــة مــــن اغــــــلــي انـســـــان عــنـدي

I AM BAKCK

I AM BACK

ايه ..ده ..ولد من اولاد الشوارع ..اجري وابعد ...

اولاد شوارع ...

اول ما نسمع العبارة دي ..بيجي في ذهننا افكار كتير ..فده ملف كبير مليان احداث وقصص

بس انا مش جاية اتكلم عن كل اللي عرفينه عنهم

انا جاية اتكلم عن موقف انساني ..حصلي شخصيا ..وهو اني ولد من اولاد الشوارع وانا راكبة المترو جه واقعد جانبي ومن الناحية التانية ناس قاعده برضوا جانبه وكان بياكل عادي وقاعد في حاله كاي طفل طبيعي واتعاملت مع الموقف عادي جدا وبشكل طبيعي

لكن اللي صدمني رد فعل الناس اللي قاعده جنبه ..

منهم اللي قام ومنهم اللي بعد ومنهم اللي كان عايز يقومه علشان يقعد ولاده ومنهم اللي كان بيبصلوا بشكل مش كويس علي انه نكرة

بجد انا اندهشت ..وفضلت اسئلة عماله تطنط جوايا وهو ليــــــــه الناس بقت كده ..!!!‍‍‍ فين الرحمة ..فين اخلاقنا الكويسة كمسلمين او مسيحين ..مش ده انسان زينا من حقه يعيش ليه؟؟؟ بنتنكر منه ليه بنعامله كنكرة؟؟؟؟!!!!! ...

يا خسارة ..

..

راحــة رحــلـة ..وانــتــوا لا هههههههههههههههههه

ازيكم افري بادي ..بوست النهاردة هتكلم في عن رحلة هطلعها لحتة من بلدنا جميلة جداااااااااااا وهي الازهر بارك ..بكرة ان شاء الله

تعالوا نشوف معلومات عن الحديقة دي ...

تم إنشاء حديقة الأزهر على مساحة 30 هكتار، بواسطة إمام الطائفة الإسلامية الإسماعيلية كريم شاه الحسيني ( آغا خان الرابع )، بعد ان قرر اهداء حديقه إلى مدينة القاهرة في 1984، بناء على الاعتقاد الاسلامي بأننا جميعا مسؤولون عن إبداع الخالق ولذلك يجب ان نترك الارض مكانا افضل، اتخذ هذا القرار اثناء مؤتمر 1984 "العاصمه الناميه: مواكبة نمو القاهرة المدني".
تم تصميم المشروع المكلف 30 مليون دولار أمريكي، لكي يكون عميل للتنميه الاقتصاديه، واصبح مثال يدرس للحلول المبدعه للعديد من التحديات التي تواجهها المدن التاريخيه، بما في ذلك التغلب على عنصر البيئه.
تعمل الحديقه كرئه خضراء نتيجه لمساحتها الضخمه، ووقوعها وسط منطقه تاريخيه. كان من الواضح ان القاهرة تحتاج لمساحات خضراء أكثر. وقد وجدت احدى الدراسات ان نسبة المساحات الخضراء بالنسبه لعدد السكان في القاهرة بالكاد تساوي حجم أثر القدم مساحه لكل مواطن، كواحدة من أقل النسب بالعالم. الحديقه أكبر مساحة خضراء انشأت في القاهرة منذ قرن.

موقعها
تقع على الجانب الغربي من الحديقه المدينه الفاطميه القديمه وامتدادها درب الأحمر، بثروتهما من المساجد، والأضرحه، ومزينه بخط طويل من المآذن، إلى الجنوب يقع مسجد السلطان حسن وما يحيطه، بالاضافه إلى قلعة صلاح الدين الأيوبي، كانت هذه المنطقه بالفعل في حاجه إلى مساحه خضراء مفتوحه. إن التله المقام عليها الحديقه توفر منظر مرتفع للمدينه، وتعطي مشهد بانورامي رائع ب 360 درجه للمناظر الجذابه من القاهرة التاريخيه. قبل بدء العمل، كانت الدراسه موقع كبير للقمامه. وكان على العاملون نزع تراكمات من القمامه والحجاره تراكمت على مدى 500 عام، بمواد تقدر بحمولة 80,000 عربه كومت في الموقع عبر القرون، وأثناء تهيئة الموقع تمت العديد من الاكتشافات الهائلة. تضمنت تلك الاكتشافات إكتشاف سور المدينه الايوبيه والذي يعود للقرن الثاني عشر في عهد صلاح الدين، بالاضافه إلى العديد من الاحجار الثمينه بكتابات هيروغلوفيه. تلك الاحجار الاقدم، والتي تصل أطوال بعضها إلى متر واحد، تم استخدامها في بناء سور صلاح الدين. ولكي يتم كشف السور الذي دفن عبر الزمن كان لابد من الحفر لعمق 15 متر، 1.5 كيلومتر من السور بأبراجه وشرفاته غير المأذيه، ظهرت بكل روعتها.

من موسوعة

wikipedia

وده موقعها الرسمي

http://www.alazharpark.com/

وده جروب ليها علي الفيس بوك

www.facebook.com/topic.php?uid=34939660466&topic=4086 - 17k

يارب تكونوا استفدوا من المعلومات دي واتعرفتوا علي حتة من بلدنا ..

وياررررررررب يكون بكرة اليوم جميل لاني فعلا كنت محتاجة اني اغير جوه ..في مكان في هوا وخضرا ومع ناس بعتز بيهم

يلا اقولكم ..سلام واستنوني بعد الرحلة ...في طرئعة دماغ .

.

هــش يــاحــزن هــش مــتـورنـاش وش

هــــــــش
هش يا حزن هش ..متوريناش وش

احنا خلاص هننسى اللى غش العشرة ..وادانا قلم على الـــوش

افرح يا قلبى متحزنش لسه الحياة منتهتش

ليه واقف مكانك.... مبتتحركش

اتجرحت ااااه بس لسه الحياة موقفتشهش

ياحزن هش ..ما بلاش كلام عبيط ووش

هس وبس ...استنى .. احنا عايزين نتفش

فى دنيا غروره فيها الف وش

هش يا حزن هش متورناش وش

ليه الفرح من جوانا ميعش

ليه عنينا من الدمع مبتنمش

اكمننا يعنى ناس مش بتغش

عارفة الصح مبتغلطش

هش يا حزن هش متورناش

الدنيا الطيبة راحت زمانها

والكدب فيها بناله عش

هش يا حزن هش متورناش وش

ليه بنحب غيرنا وغيرنا مننا مبيقربش

ليه حبيبنا مبيفهمش احساسنا ليه

وعلى فرقنا مبيندمش

ويروح لغيرنا ونحبه برضوا

هو احنا ليه.... مبنتعلمش !!ا

العيب فينا ولا فى مين ولا شكلك متعرفش

طب سيبك من دى وقولى

ليه الناس وخداها قفش ..تنتش وتهبش ومبتخفش

من رب كريم مبينمش

هش يا حزن هش متورناش وش

ليه القلوب بقت دبش مبيحوقش فيها الم ولاخدش

ليه الزمن بيقتل فينا احلامنا

ونضيع فى وسط الطريق ومبنوصلش

استنى بس..

مالك مكشر كده... مبتضحكش .

.وقاعد لوك لوك مبتفصلش

هقولك كلمتين اسمعهم ...متبحلقش

اصبر يا قلبى ..ومتعيطش

بكرة احلى صدقنى متقلقش

طالما ربك واقف معانا مبيغفلش

وكفاية اسئلة يا قلبى

يووووووه مبتزهقش

وقول ورايا هش يا حزن هش ..متوريناش وش

تاليف تؤامي اللي بحبها اويييييييي

مــبــحــطـش قـــنـاع....

مـبـحـطــش قـنـاع

مبحطش لون مزيف....

واعيش حياة مليانه خداع

وارسم لنفسي صورة ...
اعيش جواها دايما مكسورة

وادهن احلامي وكياني .....
.بكام كلمة مش عرفاني

واعيش علي اللي قدامي ..
.واخليه سلطان زماني

وازيف المعاني والاماني ...
.ويبئي ليها شكل تاني

واكون في هيئة ملاك ....
..لكن جوايا بركان هلاك

وابتسم في الوجوه ...
ابتسامه صفرا جوها جمرة
بتحرق ....بتجرح ....بتقتل .....بتكوي بنارها
كــل شـيء جـمـيـل

مـبـحـطــش قــنـاع

قــصـاقــيـص مــشـاعـر ..

مجنونة كتير وبحب أعيش...

يمكن أطلع موهومة بشئ في الأصل مفيش

أو يمكن أكون مجذوب تايه في الحضرة مابين حبة دراويش...

مهمومة صحيح والقلب جريح....

.ولكني بعاند حزن الدنيا مايكسرنيش

من مدونة قصاقيص مشاعر

الحـــقــيــقــة ..

ساعات الحقيقة... بتبقي مرة وجارحة وبتكسرنا وبضيع

كل شيء حلو كان جوانا ...ورفضين نقبلها ..

نعارض ونصرخ ..مش هي دي الحقيقة ..وننكرها ..

لــــــــــــــكـــــــــن ...

للاسف هي دي الحقيقة بوجهها المؤلم لابد منها علشان بعد كده نكون مستريحين

وعارفين كل اللي بيدور حوالينا ...واهم حاجة اننا نحاول نقبلها ...

OPEN BLOG

رســـالـة غــامــضــة

رسالة غامضة

الساعة الخامسة صباحا والسكوت يعم المكا ن والرياح تداعب الاشجار .................. استيقظت من نومي مندفعا نحو صوت جرس الباب وهويتعالي بين ارجاء المكان .............وتداعيت في نفسى اسئلة من يتري ياتي في هذا الوقت ؟ من يكون ؟ جريت مسرعا الي الباب ودقات قلبي تعلو وتعلو وعقلي تتعدد فيه الافكار والمشاهد تتركب وتتشابك لتعطيني اجابات غريبة واحيانا منطقية ومقنعة ولكن توقف كل هذا للحظة من الزمن عندما نظرت في العين السحرية ولم اري احد فيدي سبقت تفكيري وامسكت مقبض الباب وفتحت الباب بحذر ولكن لم اجد احد لم اجد سوي ضوء خافت يضىء الممرر المؤدي الي سلم البيت ندهت بصوت خافت من هناك ولكني لم اسمع سوي صوت الصمت يشوبه صوت القطط والكلاب الضلة في طرقات الشوارع ولكني عاودت النداء هل من مستجيب ولكككككككككككككككككككككككن ليس هناك من يستجيب وعندما يأست قررت العودة الي الداخل ولكن ........................
علقت قدمي بشىء في الارضية فنزلت لاتحقق منه وها هو يدي تلطقته انه...........انه ظرف لم اري مثله من قبل لونه ابيض ساطع كلون السحاب في صفائه املس كبشرة الطفل عند ولادته تلفت من حولي يمين ويسار ربما اجد من وضعه ولكني لم اجد احد فاخذته وعقلي لا يستطيع استيعاب مايحدث حولي واغلقت الباب وتركته علي المنضدة وجلست وعاودتني اسئلة حار عقلى في اجابتها ماهذا الظرف ومن من ؟ولماذا يرسله لى في هذا الوقت؟ وهل هو لي ام ان الراسل اخطأ وارسله لي ؟ وغيرها من الاسئلة التي لازمتني وارهقتني من التفكيرفيها ..ففكر ت في فتح هذا الظرف ورؤية مابداخله ر بما هذا يجيب علي حيرتي فاندفعت نحو هذا الظرف ويدي ترتعش وهي تمتد نحوه ونفسي يملئها شعور غامض وعقلي مترقب متوقف عن التفكير وعيني محدقة منتظرة لتري مابداخل الظرف امسكت الظرف ونظرت علي واجهته وظهره فلم اري اي عنوان اواسم اوحتي طابع بريد ففتحته وتلمست بيدي مابداخله فاخرجت ورقة مطوية عفي عليها الزمن من داخله ففتحتها انها رساله مخطوطة بنوع من الخطوط يرجع الي عصور سحيقة من الزمن البشري عيني لم تستطيع ان تملك نفسها الا وهي تسطو علي سطور الرسالة فجاء مضمونها

"الي كل من لايعرفني ولا يفهمني يقرأ هذه الرساله
انا من يبحث عنك دائما ..انا من يرهق تفكيرك ..واحيانا يصيبه بالجنون ..
عندما تتذكرني ..ربما تعلو علي شفاك ابتسامه غامرة ..وربما يغزوك الحزن وتنهمر منك الدموع ..
عندما اتجلي لك ..عنيك تسبح في اعماق لاحدود ..لها ..ترفض وجودي احيانا وتفر هاربا مني ..واحيانا اخري تتمني احيائي
امضاء ذكريات

اغلقت الرسالة وتركتها وانتابني شعور جذبني في كل الاتجاهات ..ومرت عليا احداث ومواقف قريبة وبعيدة بفرحها واحزانها ...ثم قولت الان تذكرتني ذكرياتي لتعرفني من هي !!! من منا يستطيع ان ينسي الذكريات مهما طال الزمان ؟؟
فاتجهت الي غرفتي وجلست علي كرسي المكتب واخرجت من درج مكتبي ورقة وامسكت بيدي قلم وبدات اكتب وكأني انسان بدائي يحفر علي جدران الكهوف ليعلن للعالم عن وجوده ........فكتبت يدي عذرا ايتها الذكريات ..وانهيت الرسالة ووقعت انسان يعرف من هي الذكريات ..ومحتفظ بها ..ولا يستطيع نسيانها بحلوها وبمرها
ووضعت الرساله داخل الظرف وفي نفس المكان والزمان الذي وجدت فيه هذه الرسالة وضعت رسالتي واغلقت خلفي الباب
وفي اليوم التالي عند خروجي من باب الشقه لم اجد الرسالة في مكانها فادرجت هنا ان الزمان يعرف المكان مهما طالت الايام ......................فاغلقت بابي ورائى ورحلت

ملتقي وظايف مصر جــ 2

بجد الحاجة اللي كانت بتموتنا من الضحك
وده مكنش بيحصلنا احنا بس ده كان بيحصل لـ 90 % من اللي حضروا الملتقي وهو انك ممكن تروح للشركة اللي قدمتلها كذا مرة وتكتشف في الاخر انك قدملتها خلاص وفي ناس مبتفتكرش اصلا تروح مقدملها تاني ..ههههههههههه كان في شوية لخبطة ..ماعلينا
المهم لفينا علي كل الشركات وكل ما نقول خلاص كده خلصوا ناخد جولة سريعة تاني ويتضح لينا ان في شركة لسه مقدمناش ليها ..وهكذا وهكذا لغاية متاكدنا ان كل الشركات خلصنا عليها ومفيش واحدة عدت من تحت اديدينا هههههههههههههههههه
وفي حاجة جميلة اوي وهي ان في شركة تقريبا اسمها برسونال انها بتقدم خدمات لينا ومنها تعديل وتظبيط الc.v كان بجد دورها مهم
وكان في شعار برضوا في الملتقي ممكن ارفعه وهو الرياضة للجميع لان كان في العاب بيمارسها الشباب زي كورة القدم

بس بصورة حديثة ومتقدمة اوي وفي كورة سلة وفي كمان لعبة الاسهم والاهداف ..عجبني اوي الفكرة دي

وكان في الملتقي برضوا جمعيات خيرية زي رسالة والمصرية للتنمية المتكاملة ومستشفي 57357 تحت مشروع التبرع بجنيه
وبجد استمتعنا بندوة كان عملها فريق بدايه ..عن اسلوب حياتك وعن اهدافك وازاي تحقق النجاح ..ومراعاة

الغير ..انك تحط نفسك مكان اللي قدامك قبل ما تعمل اي رد فعل ..واحساس اللي قدامي بالاهتمام ..ندوة استفدت منها

كتير كانت بتقدمها دكتورة نهي

..
علي فكرة في ندوة هتتعمل في مكتبة المعادي للدكتورة نهي الساعة 2 يوم الاربعاء الموافق 20 / 8 في الموارد البشرية لو حد يحب يحضرها ..

وبعد ماخلصنا الندوة .قولنا نستريح شوية ..فقعدنا في مكان كان المفروض المكان اللي وخداه مجلة حلمنا ..المهم كنا

بنرتب هنعمل ايه وبنشيل حاجتنا..للاستعداد للرحيل .. المهم الناس افتكرت اننا تبع الملتقي ..ههههههههههههههه

قولنا بئي وليه لا ..نعمل شوية شقاوة ههههههههه وهي اننا نعيش في دور اننا تبع الملتقي ..بس بجد برغم ان كان ده

هزار بس عن طريقه سعدنا ناس ..وقفت قدمهم حاجات في c.v او حاجات عايزين يفهموها والحمد الله متقفشناش في

الاخر ههههههههههههههه
وبعد ما خلصنا قررنا نرحل لان احنا الحمد الله خلصنا علي كل الشركات ههههههههه و الوقت كمان بدا يتاخر بينا

بجد استفدت اوي من الملتقي ده ..ويارب يكون نتيجته خير عليا وعلي الكل باذن الله

ملتقي وظايف مصر جــ 1

صباح الخير عليكم كلكم ..امبارح كان بجد حتة يوم جامد ...ومتعب ..كنت في ملتقي وظايف مصر ..ودي كانت اول مرة

اروح ملتقي وظايف دايما كان اصحابي يقولولي علي الملتقيات دي بصراحة كنت بكبر ليها ..ومبروحاش لكن قولت اما

اجرب واروح الملتقي ده .

.وروحت بعد ما صورت c.v بتاعي وبتاع اختي وصحبتي حوالي 40 نسخة كل واحد

المفروض بيكونوا اكتر بس علشان انا مروحتش في اول يوم 14 اغسطس فكتير من الشركات بتمشي ..المهم بعد ما

صورت صدفت ناس كتير اوي راحة الملتقي ..قولت اد كده مهم الملتقي ده ..وركبت انا وصحبتي المواصلات اللي

تودينا هناك ..لقاعة المؤتمرات بارض المعارض في مدينة نصر المقيم فيها المتلقي ..ولما وصلنا البوابة لقينا بنات

وشباب كتير وكله ماسك اوراق وفيلات في ايديه وداخل الملتقي ..وبصيت للاعلام المحطوطة والاعلانات لقيت ان

الملتقي طلع عملاه وظايف مصر الجريدة اللي بتطلع كل جمعة وفيها مجموعة من الوظايف المختلفة والنصائح

والارشادات اللي بتساعد الشباب علي اجاد الوظيفة المناسبة ...دخلنا بئي الملتقي وكان اول حاجة عملنها اننا نسجل

الاول بيانتنا الخاصة بينا ..زي الاسم والميل والموبايل ..المهم بعد تسجلنا بناخد باتدج خاص بالملتقي ..وبدانا بعدها

نتحرك اتجاه القاعة الرئيسية ..وها هنا دخلنا عالم العمل ..

.بجد كنت اول مرة اشوف تجمعات لشركات ومراكز كبيرة

اوي ..في مكان واحد

زي شركة فودافون وراية والخرافي

وgrow..وb.tech

و.الامديست ..وحازم حسن و leoni

و امريكانا وبالما وشركات سياحية .وsamcrete

.وغيرها من اضخم الشركات التوظيف زي وصلة والمعالي ده غير

البنوك وشركات المحاسبة

وبدانا نقدم الc.v

بعد ما نعرف طبيعة عمل الشركة ده لو مش عرفنها ..وايه الوظايف المتاحة ...

استنوني مع الجزء التاني ..

يـهـمـنـي الانــسـان

لا يهمني ....اسمك.

لايهمني ....عنوانك.

لايهمني..... لونك

ولا ميلادك.. مكانك..

يهمني ......الإنسان.

ولو ما لوش عنوان.

اطلعي ..يا انسة علي الرصيف

اطلعي يا انسة علي الرصيف ..ده واحد عسكري كان بيقولي الكلام ده ..وانا راحة الجامعة الامريكية ..طبعا قولت في نفسي اخيرا هيبئي في نظام في البلد والناس هتمشي علي الرصيف .والعربيات تنزل تحت ..يعني الدنيا هتتعدل يا جدعان ..مكنتش مصدقة نفسي ...وعايزة حد يقرصني علشان محسش اني بحلم ..لكن يا فرحة ماتمت خدها الغراب وطار ..لما لقيت حركة غريبة من الامن وعاملين يمنعوا الناس من انها تعدي الناحية التانية وتمشي بين العربيات وموقفين المرور ..وعاملين يزعقوا قولت يبقي اكيد في حاجة مش طبيعية ..روحت سالت واحد من الامن هو في ايه ..قالي الراجل بتاعنا هيعدي ..ساعة ماقال كده جه في دماغي الراجل الكبير ..لكن علشان دماغي متروحش بعيد سالت تاني يعني مين هو طبعا قالي مين .( ....) بس مش هقول الحيطان ليها ودان زي ما انتوا عارفين ههههههه..قولت بس ..فهمت اللي فيها ..

بس اللي عايزة اقوله وبعترض عليه بشده ..وهو ان ليه الدنيا ومصالح الناس تتعطل علشان اي شخصية ليها نفوذ تمر في الشارع ..علي كده ...بئي بيلتزموا بقوانين المرور والنظم اللي حطنها للبلد وكل شوية بينادوا باننا لازم نمشي عليها ولا ايه ؟؟؟

الصراحة مش عارفة ..بتمني بجد ان كل واحد ياخد حقوقه ويعرف اللي عليه واللي ليه زيه زي غيره حتي لو منصبه كان ايه ...

المهم ..الموكب مر بسلام ...والحياة مشيت زي ما اتعودنا خلاص عليها ..

شــكـلك هـتـوحـشـنـي ....

ياسمين ....مطربة انا مكنتش بسمعلها قبل كده ..بس بجد اول مرة سمعتها افتكرتها شرين عبد الوهاب .

.بجد صوتها ماشاء الله جميلة جدا وفيه احساس راقي ..وفيها بحة في صوتها تحفة ..خامة صوت لازم تشجيعه والمحافظة عليه ..

ومن اجمل اغانيها اللي حبتها في البومها .مش ممكن تكون انسان واغنية .اسمها شكلك هتوحشني واللي كلمتها بتقول :

شكلك هتوحشني

فاهمني ازاي بتعشها عليا

ما كنت قريب عايش ليا

وكان في الويم بتفكر فيا 3 ايام

خليك مع نفسك لو مش عاجبك

هامشي وانت ذنبك على جنبك

هو انت كنت تطول فهامني ازاي على مين عامل مشغول

هاعملها معاك وهاسيبك ما تيلا اطلع من دول

شكلك هتوحشني لومين يجي يحوشي انا هامشي مش هاستناك

ده ماكنتش تحلم بس تشوفني ليه بامارة ايه عارفني

عامل ايه اياما هنا وياما هناك

م العين دي هسيبك قبل العين دي

ويلا بقا السكة اللي تودي

وشوف مين بعدي فبعدي هيجي ويسال فيك

وكفاية كده عشان جبت اخرها

ويلا بناقص خيرها في غيرها

ويوم هتفكر تاني تشوفني هاقول بعينك

..................